Welcome to the Official Website of Indian Union Muslim League (Tamil Nadu)
நோக்கமும் குறிக்கோளும்
நிர்வாகிகள்
அணிகள்
QM FORUM
Thursday, January 17, 2019 10 Jumad Al-Awal 1440

Flash News

................

Watch Video

Click Here

மணிச்சுடர்

Click Here

பிறைமேடை

Click Here

IUML EXHIBITION

Click Here

THE TIMES OF LEAGUE

Click Here

முக்கிய செய்தி




{Click for News Headlines}

<<Previous
Saturday, January 13, 2007
மத்திய அரசின் 10 சதவீத இடஒதுக்கீட்டு சட்டம் வரும் மக்களவை தேர்தலை இலக்காக கொண்டது பொருளாதாரத்தை அடிப்படையாக வைப்பது இட ஒதுக்கீட்டு கொள்கையின் உயிர் மூச்சுக்கு எதிரானது இ.யூ.முஸ்லிம் லீக் தேசிய அமைப்புச் செயலாளர் இ.டி. முஹம்மது பஷீர் பாராளுமன்ற மக்களவையில் உரை


புதுடெல்லி, ஜனவரி 13- மத்திய அரசின் 10 சதவீத இடஒதுக்கீட்டு சட்டம் வரும் மக்களவை தேர்தலை இலக்காக கொண்டது என்றும், பொருளாதாரத்தை அடிப் படையாக வைப்பது இட ஒதுக்கீட்டு கொள்கையின் உயிர் மூச்சுக்கு எதிரானது என்றும், இந்திய யூனியன் முஸ்லிம் லீக் தேசிய அமைப்பு செயலாளர் இ.டி. முஹம்மது பஷீர் எம்.பி. தெரிவித்தார். பொருளாதார அடிப் படை வைத்து 10 சதவீத இடஒதுக்கீடு மசோதாவை எதிர்த்து இ.டி. முஹம்மது பஷீர் எம்.பி., 08-01-2019 அன்று பாராளு மன்றத்தில் உரை நிகழ்த்தினார். அதன் விவரம் வருமாறு:-

முன்னேறிய வகுப்பில் உள்ள பொருளாதாரத்தில் பின்தங்கியவர் களுக்கு 10 சதவீத இடஒதுக்கீட்டை வழங்கும் சட்டத்தை மத்திய அரசு பாராளுமன்றத்தில் அறிமுகப்படுத்தியது. அதில் கலந்து கொண்டு அவர் உரையாற்றியதாவது:-

மாண்புமிகு சபாநாயகர் : இ.டி. முஹம்மது பஷீர் அவர் களே! இந்த விவகாரம் குறித்து நீங்கள் இரண்டு மணி நேரம் மட்டுமே பேச வேண்டும்.

இ.டி. முஹம்மது பஷீர் : பொண்ணானி, எனக்கு இந்த வாய்ப்பு அளித் தமைக்கு மாண்புமிகு சபாநாயகர் அவர்களுக்கு நன்றியை தெரிவித்துக் கொள் கிறேன். பாராளு மன்றத்தின் ஆரோக்கியமான நடை முறைகளுக்கு புறம்பாக இந்த சட்டத்தை கொண்டு வர முயற்சிப்பது கண்டிக்கத்தக்கது மற்றும் ஆட்சேபனைக்குரியது.

ஒவ்வொரு மசோதாவை தாக்கல் செய்யும்போதும் அதற்கான நோக்கங்கள் மற்றும் காரணங்கள் குறித்து ஒரு அறிக்கை இருக்கும். இந்த மசோதாவுக்கான நோக்கங்கள் மற்றும் காரணங்களுக்கான அறிக்கை உண்மைகளுக்கு முரணாக உள்ளது. இந்த மசோதாவின் நோக்கத்தில் குழம்பிய குட்டையில் மீன் பிடிக்கும் முயற்சியைத் தவிர வேறு எதுவும் இல்லை.

இந்த மசோதாவின் முக்கிய நோக்கம், வரும் மக்களவை தேர்தலை இலக்காக கொண் டதே தவிர, வேறு எதுவும் இல்லை.

சமூகத்தின் அடித்தட்டு மக்களின் சமூக மற்றும் கல்வி நிலையை உயர்த்துவதே இடஒதுக்கீட்டின் கொள் கையாகும். சமுதாயத்தின் பின்தங்கிய பிரிவினர்களுக்கு எதிராக இழைக்கப்படும் ஒடுக்குதல், சமத்துவமின்மை மற்றும் பாரபட்சங்களால் ஏற்படும் பிரச்சினைகளை தீர்ப்பதே இடஒதுக்கீட்டின் நோக்கமாகும்.

இந்த சட்டத்தின் மூலம் என்ன நடக்க போ கிறது? பொருளாதார அடிப்படையில் 10 சதவீத இடஒதுக்கீடு அளிப்பதற்காக மத்திய அரசு அரசியலமைப்பு சட்டத்தின் பிரிவுகள் 15 மற்றும் 16-ஐ மாற்றியுள்ளது. பொருளாதாரத்தை அடிப் படையாக எடுப்பது இடஒதுக்கீட்டு கொள்கையின் உயிர் மூச்சுக்கு எதிரானது. இதர பிற்படுத்தப்பட்ட வகுப்பினர், தாழ்த்தப்பட்ட வகுப்பினர்கள், தாழ்த்தப்பட்ட பழங்குடியினர்கள் மற்றும் அடித்தட்டு மக்களுக்கு ஏராளமான பிரச்சினைகள் இருந்தன. இன்னும் அந்த பிரச்சினைகள் இருந்து கொண்டு தான் இருக்கிறது. இவற்றிற்கு தீர்வு காண ஏராளமான ஆணையங்கள் அமைக்கப்பட்டு அவற்றின் பரிந்துரைகளும் வெளி வந்துள்ளன.

அரசால் நியமிக்கப்பட்ட இரண் டாவது பிற்படுத்தப் பட்ட வகுப்பினர் ஆணை யத்துக்கு 1979-ம் ஆண்டில் மொராஜி தேசாய் தலைமை வகித்தார். (2035/சுக்ஷசூ/ஊளு)

1983-ம் ஆண்டில் திருமதி. இந்திரா காந்தி பிரதம மந்திரியாக இருந்தபோது அவர், கோபால் சிங் கமிட்டியை நியமித்தார். இதன் பிறகு சச்சார் கமிட்டி அறிக்கை வெளியானது. மேலும், ஜகன்நாத் மிஸ்ரா அறிக்கையும் வெளிவந்தது. இறுதியில் பேராசிரியர் குண்டு கமிட்டி அறிக்கை வெளியானது. இந்த அறிக்கைகளுக்கும் பிறகும், பிற்படுத்தப்பட்ட வகுப் பினர்களின் நிலைமை மிகவும் பரிதாபகரமாகவே உள்ளது.

உறுதியான நடவடிக்கை எடுக்க வேண்டும் என்று அனைத்து கமிட்டிகளும் முக்கியமாக வலியுறுத்தின. அந்த உறுதியான நடவடிக்கை என்பது இடஒதுக்கீடு தான்.

மேலும், ஒன்றை நாம் புரிந்துகொள்ள வேண் டும். இந்திரா சாஹினி விவகாரத்தை பற்றி பேசிக்கொண்டிருக்கிறீர்கள். இடஒதுக்கீடு தொடர்பாக நீதித் துறையால் உருவாக்கப் பட்ட ஒரு புதுமையான அணுகு முறையே அது. இடஒதுக்கீடு என்பது பொருளாதார அடிப்படையில் இருக்க கூடாது என்பதை நீதித்துறை தெளிவாக தெரிவித்துள்ளது.

பொருளாதாரத்தை அடிப் படையாக எடுத்துக் கொள்வதால் ஏற்ற இறக்கங்கள் உருவாகும். இடஒதுக்கீட்டு நோக்கத்திற்கு எதிரானது என்றும் நீதிபதி சவந்த் தெளிவாக கூறியதை நாம் கவனிக்க வேண்டும். நீதித்துறையின் கொள்கைக்கு இது எதிரானது. எனவே, இந்த சட்டம் மற்றொரு அநீதி.

உயர் வகுப்பினரை சார்ந்தவர்களுக்கும், குறைகள் மற்றும் பிரச்சினைகள் இருப்பதாக இந்த சட்டத்திற்கு ஆதர வானவர்கள் கூறு கின்றனர். அவர்களுக்கு நீதி கிடைக்கவில்லையா? அது உண்மைதான். அவர்களுடைய பிரச்சி னைகளும் தீர்க்கப்படக்கூடிய ஒன்றுதான். இந்த பிரச்சினைகளுக்கு தீர்வு காண கூடாது என்று யாரும் கூறவில்லை. நாம் ஒன்றை புரிந்து கொள்ள வேண்டும். வேலை வாய்ப்பு, கல்வியில் உயர் வகுப்பினருக்கும், கீழ் வகுப்பினருக்கும் நடுவில் உள்ள இடைவெளியை நீக்கு வதற்குத்தான் இடஒதுக்கீடு. இதனால் தான் இடஒதுக்கீட்டை வலியுறுத்து கிறோம். இது ஒரு வறுமை ஒழிப்பு திட்டமல்ல.

சமூகத்தின் ஏழை மக்களுக்கு ஏராளமான திட்டங்கள் உள்ளன. முற்பட்ட அல்லது பிற்பட்ட வகுப்பினராக இருந்தாலும் சரி நாம் எந்த சமுதாயத்திற்கும் எதிரானவர்கள் அல்லர். வேலையில் பங்களிப்பு, கல்வி நிலையில் பிற்பட்ட வகுப்பினரை முற்பட்ட வகுப்பினரும் ஒப்பிடும் போது, பிற்பட்ட வகுப்பை சாராதவர்கள் அதிக நன்மைகளை பெறுகின்றனர். இதுதான் உண்மை.... (குறுக்கீடுகள்) தற்போது நீங்கள் திறன் ஒதுக்கீட்டிலிருந்து பத்து சதவீதத்தை குறைக்கிறீர்கள். நாம் ஒரு சட்டத்தை உருவாக்கு வதற்கு முன்னர் அதனால் ஏற்படும் விளைவுகளை பற்றி சிந்திக்க வேண்டும் என்று இறுதியாக சொல்கிறேன்.

நான் இதனை ஒரு வித்தியாசமான முறையில் கூறவில்லை. இடஒதுக்கீடு தொடர்பாக மந்திர் மற்றும் மஸ்ஜித் போன்ற ஏராளமான பிரச்சினைகளை இந்தியா சந்தித்துள்ளது. இது நம் அனைவருக்கும் தெரியும்.

இந்த சட்டம் மூலம் அடுக்கடுக்கான பிரச்சினைகள் ஏற்படுவதற்கான கதவுகள் திறந்து விடப்படுகின்றன. இதை அனுமதிக்க முடியாது. தவறான நோக்கத்துடன் உரு வாக்கப்படும் இந்த சட்டத்தை அரசு கொண்டுவரக் கூடாது. எனவே, இந்த மசோதாவை மத்திய அரசு திரும்ப பெற வேண்டும் என்று பணிவோடு கேட்டுக்கொள்கிறேன். இது தற்போது மிகவும் அவசியமானது. இதனுடன் எனது உரையை முடித்துக் கொள்கிறேன்.

<<Previous

Show News from

Image Gallery










































More Links


All India


Live Video



M.P.Speech







Our News papers

இ.பேப்பரில் படிக்க இங்கே கிளிக் செய்யவும்

Click Here to read E- Paper


முகப்பு | வரலாறு | முக்கிய செய்தி | சேவை திட்டங்கள் | நோக்கமும் குறிக்கோளும் | தேசிய நிர்வாகிகள் | மாவட்ட நிர்வாகிகள்