Welcome to the Official Website of Indian Union Muslim League (Tamil Nadu)
நோக்கமும் குறிக்கோளும்
நிர்வாகிகள்
அணிகள்
QM FORUM
Wednesday, July 18, 2018 5 Zul-Qida 1439

Flash News

................

Watch Video

Click Here

மணிச்சுடர்

Click Here

பிறைமேடை

Click Here

IUML EXHIBITION

Click Here

THE TIMES OF LEAGUE

Click Here

முக்கிய செய்தி




{Click for News Headlines}

<<Previous
Tuesday, July 17, 2007
* அறச்செயல்களால் முஸ்லிம்களுக்கு முன்னோடியாக திகழ்ந்தவர் * வாழ்க்கை போராட்ட களத்தில் யாரையும் பாதிக்காத வகையில் செயல்பட்ட மாவீரர் ஹலீம் ஹாஜியார் அவர்கள் எவ்வித கேள்வி கணக்குமின்றி சுவனம் செல்ல அனைவரும் பிரார்த்திப்போம் நினைவேந்தல் கூட்டத்தில் இ.யூ. முஸ்லிம் லீக் தேசிய தலைவர் பேராசிரியர் கே.எம். காதர் மொகிதீன் பேச்சு


சென்னை, ஜூலை. 17-அறச்செயல்களால் முஸ்லிம்களுக்கு முன்னோடி யாக திகழ்ந்தவர். வாழ்க்கை போராட்ட களத்தில் யாரை யும் பாதிக்காத வகையில் செயல்பட்ட மாவீரர்ஹலீம் ஹாஜியார் அவர்கள், எவ்வித கேள்வி கணக்குமின்றி சுவனம் செல்ல அனைவரும் பிரார்த்திப்போம் என்று நினைவேந்தல் கூட்டத்தில் இந்திய யூனியன்முஸ்லிம் லீக் தேசிய தலைவர் பேராசிரியர் கே.எம். காதர் மொகிதீன் பேசினார்.முதுபெரும் தலைவர் மர்ஹூம் ஏ.கே. ஹலீம் ஹாஜியார் அவர்களின் மஃபிரத்துக்காக துஆ மஜ்லிஸ் மற்றும் நினைவேந்தல் நிகழ்ச்சி 16-07-2018 அன்று மாலை 4 மணியளவில் இந்திய யூனியன் முஸ்லிம் லீக் தலைமையகமான காயிதே மில்லத் மன்ஸிலில் தேசிய தலைவர் பேராசிரியர் கே.எம். காதர் மொகிதீன் அவர்கள் தலைமையில் நடைபெற்றது. இந்நிகழ்ச்சியில் மௌலா ஷாகுல் ஹமீது மற்றும் உலமா பெருமக்கள் குர்ஆன் ஷெரீப் ஓதினார்கள். மௌலானா அல்ஹாபிழ் அல்ஹாஜ் ஏ.எம். அபு செய்யது ரஷாதி யாசின் சூரா ஓதி அன்னாரின் மஃபிரத்துக்காக துஆ செய்தார்கள். இந்நிகழ்ச்சியில் பேராசிரி யர் பேசியதாவது:-அளவற்ற அருளாளனும், நிகரற்ற அன்பாளனுமாகிய எல்லாம் வல்ல அல்லாஹ்வின் பெயர் போற்றித் துவக்கு கிறேன்.சங்கைக்குரிய உலமா பெரு மக்களே, பெரி யோர்களே, சகோதரர்களே! உங்கள் அனைவருக்கும் அஸ்ஸலாமு அலைக்கும் வரஹ் மத்துல்லாஹி வபரக்க hதுஹ்...

இயற்கை நியதி

உலகில் தோன்றிய அனைத்திற்கும் முடிவு உண்டு என்பது இயற்கை நியதி. அதன்படி, நமது மரியாதைக்குரிய ஹலீம் ஹாஜியார் அவர்கள் தமது 91ஆவது வயதில் நம்மை விட்டும் பிரிந்திருக்கிறார்கள். அவர்களது மண்ணறை - மறுமை நல்வாழ்விற்காக துஆச் செய்யும் நோக்குடன் இந்நிகழ்ச்சி நடத்தப்படுகிறது. என்ன துஆவை இவர்களுக்குச் செய்வது?

கேள்வி கணக்கு

உலகத்தில் பிறந்த மனிதர்கள்- மரணத்திற்குப் பிறகு மறுமையில் எழுப்பப்படும்போது, தமது உலக நடவடிக்கைகளுக்கான கேள்விகளுக்கு பதில் சொல்லிய பிறகு அவர்களுக்கு சுவர்க்கம் - நரகம் இருப்பிடமாகத் தீர்ப்பு வழங்கப்படும் என்பது நமது நம்பிக்கை. அதே நேரத்தில், சிலர் எந்தக் கேள்வி கணக்கும் இல்லாமலேயே நேரடியாக சுவனம் அனுப்பப்படுவார்கள் என்றும் நபிகள் நாயகம் ஸல்லல்லாஹு அலைஹி வஸல்லம் அவர்கள் கூறியிருக்கிறார்கள். அந்தப் பட்டியலில், நமது ஹாஜியார் அவர்களும் இணைக்கப்பட்டு, எவ்வித கேள்வி கணக்குமின்றி சுவனம் செல்ல நாம் யாவரும் பிரார்த்திப்போம்.ஹாஜியார் அவர்களைப் பற்றி, அவர்களது சேவை களைப் பற்றி இங்கு நிறைய பேசப்பட்டிருக்கிறது. அவர்கள் ஒரு முஸ்லிம்; அதிலும் சிறந்த முஸ்லிம். அனைவரும் விரும்பும் சிறந்த வாழ்க்கை நெறியைக் கொண்டதே இஸ்லாம். அதைப் பின்பற்றுபவன்தான் முஸ்லிம். ஆக, அனைவரும் விரும்பும் நல்லதொரு வாழ்க்கை நெறியைக் கடைப்பிடித்து ஒழுகும் அனைவருமே முஸ்லிம்கள்தான். அதிலும் ஒரு படி மேலாக, நமது ஹாஜியார் அவர்கள் சிறந்த முஸ்லிமாக வாழ்ந்துள்ளார்கள். அதாவது, தனது நல்ல நடவடிக்கைகளால், அறச்செயல்களால் -ஒரு முஸ்லிம் இப்படித்தான் வாழ வேண்டும் எனப் பயிற்றுவிக்கும் வகையில் முன்னுதாரணமாக வாழ்ந்து மறைந்துள்ளார்கள்.

முஸ்லிம் லீகர்

அடுத்து, இந்தியாவிலுள்ள ஒவ்வொரு முஸ்லிமும் ஒரு முஸ்லிம் லீகராக இருக்க வேண்டும். ஆக, ஒரு முஸ்லிம் லீகன் எப்படி இருக்க வேண்டுமோ, எப்படி செயல்பட வேண்டுமோ, எப்படி சிந்திக்க வேண்டுமோ அவையத்தனைக்கும் சிறந்த முன்னுதாரணமான தலைவராகவும் நமது ஹாஜியார் அவர்கள் வாழ்ந்து காட்டியிருக்கிறார்கள்.ஆக, முஸ்லிமாக இருந்து ஒரு சிறந்த முஸ்லிமாகவும், முஸ்லிம் லீகராக இருந்து சிறந்த முஸ்லிம் லீகராகவும் வாழ்ந்ததன் மூலம், முஸ்லிம்களுக்கும் -முஸ்லிம் லீகர்களுக்கும் ஒரு மிகச்சிறந்த - தன்னிகரற்ற முன்னு தாரணமாக வாழ்ந்திருக்கி றார்கள் ஹாஜியார் அவர்கள்.இவையெல்லாவற்றையும் தாண்டி, அவர் ஒரு சிறந்த மனிதராக வாழ்ந்திருக்கிறார். தன்னைச் சுற்றி வெறுமனே முஸ்லிம்கள் மட்டுமின்றி, முஸ்லிமல்லாத மக்களும் சூழ்ந்திருக்க, அவர்கள் அனை வருடனும் -குடும்பத்தின் நெருங்கிய உறவினர் போன்று உரையாடி, எல்லோர் மனதிலும் நீக்கமற நிறைந்திருக்கிறார். அவரைச் சுற்றி முஸ்லிம்கள், கிறிஸ்துவர்கள், இந்துக்களில் - செட்டியார்கள், முதலியார்கள், பிராமணர்கள், தாழ்த்தப்பட்ட மக்கள் என பாரபட்சமின்றி அனைவரும் உரிமையுடன் பழகிய சூழலை எல்லா நாட்களிலும் காண முடிந்தது. இவையனை த்துமே அவரிடமிருந்து நாம் பெற்றிருக்கிற, பெற வேண்டிய மிகப்பெரிய பாடங்கள்.

ஹாஜியார்

அப்பேர்பட்ட மாமனித ரான ஹாஜியார் - தான் மட்டுமின்றி, தன் குடும்பத் தாரும் தன்னைப் போலவே வாழ வழிகாட்டி யிருக்கிறார். அவர் வீட்டிலுள்ளவர்கள் யாவருமே ஹாஜியார் அவர்களைப் போன்றே நல்ல சிந்தனைகளுடன் வாழ்ந்து வருகின்றனர். தான் முஸ்லிமாக இருப்பதில் ஹாஜியார் பெருமிதம் கொண்டார். அவரது குடும்பத்தாரும் அவ்வாறே பெருமிதங்கொண்டுள்ளனர். முஸ்லிம்களோடு பழகு வதிலும், இணைந்திருப்பதிலும் ஆர்வம் மிகுந்திருந்தார்

அவரது குடும்பத்தார், உற்றார் - உறவினர், ஊர்க்காரர்கள் என அனைவரும் அவ்வாறே ஆர்வத்துடன் இருந்து வருகின்றனர்.

அழகிய அணுகுமுறை

அவர் வீட்டில் திருமணம் போன்ற நிகழ்ச்சி நடக்கிறதெனில், அவர் குடும்பத்தினருக்குக் கொஞ் சமும் சளைத்தவர் களல்ல என்று உணர்த்தும் வகையில் - அவருடன் பழகியோர், வணிகம் செய்தோர் என அனைத்து வகைகளிலும் தொடர் புடனிருந்த அனைவருமே களப்பணி யாற்றி, தம்மை விருந்தினராகக் காட்டிக் கொள்வதை விட, அவர் குடும்பத்தில் ஒருவராகக் காட்டிக் கொள்வதையே விரும்பிச் செயல்பட்டதை நாம் அனைவரும் அந்நிகழ்ச்சிகளில் கண்டிருக்கிறோம். அதற்குக் காரணம், அவரது அழகிய அணுகுமுறைதான். தன்னை நோக்கி வருவோர் யாராயினும் - அவருக்குத் தேவையான நல்ல பல அறிவுரைகள், ஆலோசனைகள், தேவையான நேரங்களில் உதவிகள், ஒத்துழைப்புகள் என எதைச் செய்வதிலும் சிறிதும் தயக்கம் காட்டாத தனவந்தர்தான் ஹாஜியார் அவர்கள்.ஹாஜியார் அவர்களை முதன்முதலில் நான் சந்தித்தது 1960ஆம் ஆண்டில். கல்லூரியில் படித்துக்கொண்டிருந்தபோது, நாவலர் யூஸுஃப் ஸாஹிப் அவர்கள் ஹாஜியாரிடம் என்னை அழைத்துச் சென்று அறிமுகப்படுத்தினார்கள். அது முதல், அன்றாடம் கல்லூரி வகுப்பு முடிந்ததும் ஹாஜியார் அவர்களது இல்லத்திற்குச் செல்வதை எனது வழமையாகவே வைத்திருந்தேன்.

ஈத் பெருநாள் தொழுகை

ஈத் பெருநாள் தொழு கையை பள்ளிவாசலில் தொழு வதை விட மைதானத்தில் தொழுவதே சிறந்தது என்று கருதிய ஹாஜியார் அவர்கள், அதற்காக கடை கடையாகச் சென்று ஒத்துழைப்புகளைக் கேட்டுப் பெற்றார். அதன்படி, அன்று துவங்கி பல ஆண்டுகள் சென்னை மெரீனா கடற்கரையில் பெருநாள் தொழுகை நடத்தப்பட்டு வந்தது. பின்னர் அங்கிருந்து தீவுத்திடலுக்கு இடமாற்றம் செய்யப்பட்டது.

மீலாது விழா

பல ஆண்டுகளுக்கு முன், சென்னையில் நடைபெற்ற மீலாத் விழாவையொட்டி நடைபெற்ற விரும்பத்தகாத நிகழ்வுகளால் அது கலவரத்தில் முடிந்து, அதன் விளைவாக பல முஸ்லிம் வணிகர்கள் தமது வணிகத்தையும், வாழ்வாதாரத்தையும் இழக்கும் நிலை ஏற்பட்டபோது, அவர்களது குடும்பத்தார் பாதிக்கப்பட்டுவிடக் கூடாது என்று கவலையுற்ற ஹாஜியார் அவர்கள் - எனக்குத் தெரிந்து சுமார் 85 லட்சம் ரூபாய் வரை நன்கொடையாளர்களிடம் நிதி சேகரித்து, தென்னிந்திய இஷாஅத்துல் இஸ்லாம் சபை அலுவலகத்திற்கு - பாதிக்கப்பட்ட முஸ்லிம் வணிகர்களை - ஒருவரும் விடுபடாத வகையில் பட்டியல் போட்டு வரவழைத்து, அவர்களது பாதிப்பின் அளவு, அடைந்த நஷ்டத்தின் அளவு ஆகியவற்றைக் கேட்டறிந்து, முறையாகக் கணக்கிட்டு, அவர்களுக்குரிய ஈட்டுத் தொகையை வழங்கியதை, அன் றைய ‘மணிச்சுடர்’ நாளிதழ்கள் செய்தியாகவும் வெளியிட்டன.அதுபோல, அவரது இல்லத்தைச் சுற்றியிருந்த தெருக்களில் வசித்த தாய்க்குலங்கள் - ஏதோ தம்மைப் பெற்ற தகப்பனிடம் பேசுவது போன்று - தமது மக்களின் திருமணம், வீட்டுப் பராமரிப்பு. அன்றாடச் செலவினம் என அனைத்தையும் உரிமையுடன் கோரிக்கைகளாக முன்வைக்க, ஹாஜியார் அவர்கள் மனமுவந்து தாராளமாக அவர்களுக்குப் பொருளாதார உதவிகள் செய்வதை அன்றாட நடவடிக்கையாகவே கொண்டி ருந்ததை, அவரையறிந்த அனைவரும் அறிவர்.

சிறந்த மனிதர்

ஆக, ஒருவன் முஸ்லிமாக இருப்பதை விட சிறந்த முஸ்லிமாக இருப்பதற்கும், முஸ்லிம் லீகனாக இருப்பதை விட சிறந்த முஸ்லிம் லீகனாக இருப்பதற்கும், மனிதனாக இருப்பதை விட சிறந்த மனிதராக இருப்பதற்கும் ஒரு மிகச்சிறந்த எடுத்துக்காட்டு ஹாஜியார் அவர்கள் என நான் மட்டுமல்ல; அவரைப் பற்றிப் பேசிய அனைவருமே எடுத்துக் கூறியிருக்கின்றனர்.ஹாஜியார் அவர்களை விட வயதால் நான் மிக இளைவனாக இருந்த போதிலும், இந்த இந்திய யூனியன் முஸ்லிம் லீகிற்கு நான் தலைமையேற்ற நாள் முதற்கொண்டு, என்னைப் பார்த்தபோ தெல்லாம் """"தலைவரே!"" என்ற சொல்லைத் தவிர வேறு எந்தச் சொல்லையும் பயன்படுத்தி என்னை அழைத்ததேயில்லை. எனக்கே கூச்சமாக இருக்கும். """"என்ன ஹாஜியார்? நீங்கள் என்னை தலைவரே என்று அழைக்கிறீர்களே...?"" என்று கேட்டால், """"நான் ஒரு முஸ்லிம் லீகன்; என் கட்சிக்கு நீங்கள் தலைவர்; அதனால் உங்களைத் தலைவரே என்று அழைப்பதுதான் முஸ்லிம் லீகின் பாரம்பரியம்!"" என்று கூறி, தாய்ச்சபையின் பாரம்பரியத்தைக் கட்டிக் காத்த கண்ணியமிக்க பெருந்தகை ஹாஜியார் அவர்கள்.ஆக, அவரைப் பற்றிப் பேசுவ தோடு முடித்துக் கொள் ளாமல், அவர் வாழ்ந்து காட்டி விட்ட வழியில் தொடர்ந்து நின்று நிலைத்திருப்பதுதான் நாம் உண்மையிலேயே அவருக்குச் செய்யும் மிகச் சிறந்த நன்றிக்கடனாக இருக்கும். அந்த வகையில் நாம் அனைவரும் செயல்பட உறுதியேற்போம்.எல்லாம்வல்ல அல்லாஹ், தன் பாதையில் போரிட்டு வீர மரணம் எய்தும் ஷஹீதுகளுக்கு கேள்வி கணக்கின்றி சுவனம் செல்ல வாய்ப்பளிப்பதாக அறிவிக்கும் நபிமொழியை ஏற்கனவே நான் குறிப்பிட்டேன். அந்த வகையில், ஹாஜியார் அவர்களின் வாழ்வே சிறந்த போராட்டக் களமாகத்தான் இருந்தது. அதில், யாரையும் பாதிக்காத வகையிலான நடவடிக்கைகளை தன்னகத்தே அமைத்துக்கொண்ட சிறந்த வீரராக அவர்கள் களப் பணியாற்றியிருக் கிறார்கள். அதைக் கருணையுள்ள அல்லாஹ் தனதருளால் ஏற்று, அவர்களுக்கும் கேள்வி கணக்கின்றி ‘ஜன்னத்துல் ஃபிர்தவ்ஸ்’ எனும் உயர் சுவனத்தைத் தந்தருளி, அதில் நபிமார், ஸித்தீக்கீன், ஷுஹதா, ஸாலிஹீன்களோடு அவர்கள் இணைந்திருக்கப் பேரருள் புரிவானாக என துஆச் செய்து எனதுரையை நிறைவு செய்கிறேன்.நினைவேந்தல் நிகழ்ச்சியில் மாநில பொதுச்செயலாளர் கே.ஏ.எம். முஹம்மது அபூபக்கர்,பொருளாளர் எம்.எஸ்.ஏ. ஷாஜகான், முதன்மைத் துணைத்தலைவர் எம். அப்துர் ரஹ்மான், இஸ்லாமிய இலக்கிய கழக தலைவர் பேராசிரியர் சே.மு. முஹம்மது அலி, தாய்ச்சபை மாநில துணைத்தலைவர் எஸ்.எம். கனி சிஷ்தி, மாநில செயலாளர் காயல் மகபூப், மாநில துணைச் செயலாளர் ஆப்பனூர் ஜபருல்லாஹ், மத்திய சென்னை மாவட்ட துணைத்தலைவர் ஏ.எம். ஒய். அப்துல் ரஹ்மான், தலைமை நிலைய பாடகர் ஷேக் மதார் ஆமிரி ஆகியோர் இரங்கல் உரை ஆற்றினார்கள்.

பங்கேற்றோர்

மாநில துணைச்செயலாளர் எஸ்.ஏ. இப்ராஹிம் மக்கீ, இஸ்லாமிய இலக்கிய கழக பொருளாளர் யூனிவர்ஸெல் ஷாஜகான், வடசென்னை காங்கிரஸ் கமிட்டி முன்னாள் கவுன்சிலர் டி.ஆர். துல்கருணை, சமுதாய பிரமுகர்கள் ஸ்டார் எம்.எஸ். அப்துல் காதர், மேத்தா நகர் பேஸ்இமாம் இதாயத்துல்லா, குரோம் பேட்டை இஸ்மத் இனூன், வடசென்னை மாவட்ட தலைவர் எம்.ஜெய்னுல் ஆப்தீன், பொருளாளர் கான் சிக்கன் முஸ்தபா, மாவட்ட துணைத் தலைவர் சுலைமான் ஆலிம், மாவட்ட துணைச் செயலாளர் ஏ.கே. முஹம்மது ரபி, எம்.எஸ்.எஃப் வியாசை கமருதீன், மத்திய சென்னை மாவட்ட தலைவர் யூசுப் குலாம் முஹம்மது, மாவட்ட செயலாளர் ஜெ. எஸ்.கே. பிலால் உசேன், பொருளாளர் கேப்டன் பஷீர், சீதக்காதி பிரைமரி தலைவர் கே.எம்.இஸ்மாயில், துறைமுக பகுதி காயல் எஸ்.எஸ். சதக்கத்துல்லா, மேத்தா நகர் ரஹீம் ஹாஜியார், தென்சென்னை மாவட்ட தலைவர் பூவை எம்.எஸ். முஸ்தபா, விருகம்பாக்கம் சிக்கந்தர்ஷா, பூவை காதர், திருவள்ளூர் மேற்கு மாவட்ட தலைவர் காயல் அஹமது சாலிஹ், மாவட்ட செயலாளர் ரஹ்மத்துல்லா, மாவட்ட துணைத்தலைவர் மௌலானா நவ்ஷாத், திருவண்ணாமலை மேற்கு மாவட்ட தலைவர் ஐ.எம். சுலைமான் கான், மாவட்ட செயலாளர் இ. முஹம்மதுஅலி, மாவட்ட துணைச்செயலாளர் எஸ்.ஆர். அப்துல் சத்தார், எஸ்.டி.யூ. தமிழ்மாநில தலைவர் எம்.பி. வாஹித், மாநில பொதுச்செயலாளர் குளச்சல் செய்யது அலி, முஸ்லிம் யூத் லீக் மாநில பொதுச்செயலாளர் அன்சாரி மதார், சென்னை மண்டல ஒருங்கிணைப்பாளர் கீழை மனாசிர், எம்.எஸ்.எஃப் மாணவர் அணி மாநில தலைவர் பழவை அன்சாரி, மாநில துணைத்தலைவர் ஈரோடு பாருக், ஊடகப் பிரிவு துணை ஒருங்கிணைப்பாளர் கோம்பை நிஜாம், மகபூப் ஷெரிப், ஆகியோர் பங்கேற்றார்கள்.நிகழ்ச்சியை மாநில செயலாளர் கே.எம். நிஜாமுதீன் தொகுத்து வழங்கினார்.ஏ.கே. ஹலீம் ஹாஜியார் அவர்களுடைய மருமகன் இசட். ஷாகுல் ஹமீது, மகனார் கள் செய்யது முஹம்மது ஆலிம், ஏ.எச்.முஹம்மது இஸ்மாயில், அண்ணன் மகன் செய்யது முஹம்மது, பேரர்கள் அப்துல் ஹலீம், எஸ். அப்துல் ஹலீம், பக்ருதீன், ஹாதில், ஹமீது மற்றும் பலர் கலந்து கொண்டார்கள். ஹலீம் ஹாஜியார் மகனார் மத்திய சென்னை மாவட்ட துணைத்தலைவர் ஏ.எச். முஹம்மது இஸ்மாயில் நன்றி கூறினார்.

<<Previous

Show News from

Image Gallery










































More Links


All India


Live Video



M.P.Speech







Our News papers

இ.பேப்பரில் படிக்க இங்கே கிளிக் செய்யவும்

Click Here to read E- Paper


முகப்பு | வரலாறு | முக்கிய செய்தி | சேவை திட்டங்கள் | நோக்கமும் குறிக்கோளும் | தேசிய நிர்வாகிகள் | மாவட்ட நிர்வாகிகள்